Ğəzzədə sioniston cinoyəton şəhidon miğdor əlovə bey

Ğəzzədə tanqədə sionist rejimi ərtışi həvoiyə həmləon şəhidon miğdor 1000 nəfəriku dəvardedə.

Oktiyabrə manqi 7minnə rujədə Fələstini muğaviməti qrupon sionist rejimi şərrə koon cəvobədə, işğol bıə sərzəminonədə həmmə curnə iyən mislış nıbıə əməliyoton bino kardışone ki işğolçiyon 75 sornə omrədə mislış nıbe.

Sionist rejimi ğırəkə təyorəon həm bə Ğəzzə muxtəlifə məntəğəon ıştə həmləon əncon dodən iyən dəvardə rujonədə həm çand da kə iyən sakin bıə binaon bombaon kardışone.

Bə Əlcəzirə kanali raporti əsos, Fələstini səhiyyə vəzorətxonə Ğəzzə tanqədə sionist rejimi ərtışi həvoiyə həmləon şəhidon miğdor, 1055 nəfəriku vey elanış kardə.

Fələstini səhiyyə vəzorətxonə ijən bə ım tanqə sionist rejimi ərtışi həmləon zəxmin bıə kəsoni miğdori 5184 nəfər elanış kardə.

Bə ım vəzorətxonə vote əsos, 60 fayiz şəhido iyən zəxmin bıə kəsoni hırdənon iyən jenon şomil bəben.

Həmçınin Fələstini səhiyyə vəzorətxonə şənbə rujiku tosə ısət, İurdaniya ru şəhidon miğdor, 23 nəfər iyən zəxmin bıə kəsoni miğdor,130 nəfər elanış kardə.