Fələstini barədə Rəyisi iyən Bin Səlmani votımon

Prezdenti siyosi muavin Fələstini barədə iyən sionist rejimi canqi cinoyəton be hərəkət kardey zərurəti barədə, İron İslom Respublika Seyd İbreym Rəyisi və Səudi Ərəbiston Muhəmməd Bın Səlmani telefoniyə votımoniku xəbəş do.

Bə İran Peres aqentiyəti raporti əsos, Çoşəmbə şəv Muhəmməd Cəmşidi İks nomo ictimai kanalədə nıvıştəşe: Rəyisi iyən Cənab Muhəmməd Bın Səlmani miyono iminnə təmasədə Fələstini barədə iyən sionist rejimi canqi cinoyəton be hərəkət kardey zərurəti barədə vey muhimmə votımonon əncom bıə.

Əv ijən təsdiğış kardə: ım votımonədə ijən de təkid bə İslom dınyo vəhdət, sionist rejimi cinoyəton və Amerkə havzə çerağ ım rejim və çəy himoyəonro vironəkə noəmni zınəşone.

Oktiyabrə manqi 7minnə rujədə Fələstini muğaviməti qrupon sionist rejimi şərrə koon cəvobədə, işğol bıə sərzəminonədə həmmə curnə iyən mislış nıbıə əməliyoton bino kardışone ki işğolçiyon 75 sornə omrədə mislış nıbe.

Bə Əlcəzirə kanali raporti əsos, Fələstini səhiyyə vəzorətxonə Ğəzzə tanqədə sionist rejimi ərtışi həvoiyə həmləon şəhidon miğdor, 1055 nəfəriku vey elanış kardə.