Fələstini şəhidon miğdor bə 5500 nəfəriku vey rəsə

Fələstini səhiyyə vəzorətxonə xəbəş do ki Ğəzzə şəhidon miğdor əlovəş oeydo kardə iyən bə 5500 nəfəriku vey rəsə.

Bə ƏLcəzirə raporti əsos, Seşəmbə rujədə Fələstini səhiyyə vəzorətxonə qıləy raportədə elanış kardə: Oktiyabrə manqi 7 minnə rujiku tosə ısət, 5 həzo 500 nəfəriku vey bə Ğəzzə sionist rejimi təcavuzonədə şəhid bıən iyən təğribən 17 həzo nəfər həm zəxmin bıən.

Bə ım raporti əsos, nəhayətədə Ğəzzə sionist rejimi həmləon bə noxəşxonəon nəticədə və bə noxəşxonəon fəaliyətiro lozimə sutemoni bə oxo rəsey xoto, 12 qılə noxəşxonə iyən 32 qılə səhiyyə mərkəzon fəaliyət be hərəkət mandə.

Fələstini səhiyyə vəzorətxonə raporti dəvomnədə omə ki de işorə bə ım ki Ğəzzə tanqədə cəmədə 24 qılə noxəşxonə mevcude ısətnə şəroyetədə vey Ğəzzə noxəşxonəon deştə baği mandə sutemoni miğdor bə ko karde məşğulin və mumkine har ləzzə çəvon fəaliyət be hərəkət bıbu.