Bə İron və Ərəbistoni ticori rabitəon hevujəti təkid

İroni ticori inkişofi təşkiloti sədr de Tehronədə Ərəbistoni səfir vindemon iyən bə 2 qılə kişvəri ticori rabitəon hevujəti təkid kardışone.

İroni ticori inkişofi təşkiloti sədr Məhdi Zeyğəmi de İron və Səudi Ərəbistoni miyono ticori rabitəon plan kəşey hədəfi, Tehronədə ım kişvəri səfir Əbdullah Ben Səud Ələnzi mizbon bıə.

Bə Tele Rədio aqentiyəti raporti əsos, ım muzakirəon mehvər, de İron və Ərəbistoni ko fırsəton inkişof və investisiya fondi cəhdon əncom bıə, planon bə 2 qılə kişvəron miyono ticori rabitəon inkişof və bino kardey cəhəto be, 2 tərəf bə İron və Ərəbiston ticori heyəton vığandeyku himoyə kardışone və mıtəğabilə kişvəri nımoyeşqohonədə bə əktivə iştiroki zərurət təkid kardışone.

Zeyğəmi ım vindemonədə barzə texnoloqiya iyən tojə texnoloqiyaon baxşədə bə 2 qılə kişvəri miyono ticori rabitəon təkid kardışone və votışe: de diğğət bə Ərəbistoni vəoməy bərnoməon və ım kişvəri investisiyaon tojə texnoloqiyaon baxşədə ticori koon karde bəzne bə har 2 qılə kişvəri mənafe bıbu.