Ğəzzə şəhidon miğdor bə 7 həzo nəfəriku vey rəsə

Fələstini səhiyyə vəzorətxonə ıştə tojə statestikaonədə xəbəş do ki Ğəzzə canqi şəhidon miğdor bə 7 həzo 165 nəfər rəsə.

Bə İrna raporti əsos, ki Fələstini məlumatərosnə mərkəziku raportış do, cəmədə Ğəzzə şəhidon miğdor təğribən 3 həzo nəfər hırdən və 1300 nəfəriku vey həm jenon şomil bıdə.

Zinə şəvi həmlədə Ğəzzə tanqə cənubədə, Xan Yunesədə, sionist rejimi ləşkəri təcavuzkorə ğırəkə təyyorəon bə kali kəon həmlə kardışon iyən çəy cərəyonədə 14 nəfər Fələstinıjon şəhid və 82 nəfəriku vey həm zəxmin bıən və kali şəxson həm avari jintonədən.

İjn tib mənbəon elanışon kardə ki zinə bombardımonədə Ğəzzə şəhrədə Tac Mikoni bina iyən Yərmok və Cəlae xiyabonədə 33 nəfər Fələstinıjon şəhid bin.

Oktiyabrə manqi 7minnə rujədə Fələstini muğaviməti qrupon sionist rejimi şərrə koon cəvobədə, işğol bıə sərzəminonədə həmmə curnə iyən mislış nıbıə əməliyoton bino kardışone ki işğolçiyon 75 sornə omrədə mislış nıbe.