İşğoliyə Ğudsədə bə sioniston qədə şəhron rəket həmləon əncom bıə

Fələstini mənbəon işğoliyə Ğudsədə bə sioniston qədə şəhron muğaviməti həmləonku iyən ım məntəğəonədə çand qılə tıpemoni sədoku xəbə doşone.

Bə İran Peres aqentiyəti raporti əsos ki Əlməsirə kanaliku nəğlış kardə, Fələstini muğavimət bə Ğəzzə tanqə be tədbirə bombaon cəvobədə de rəket Ğudsi ətrofədə bıə sionist rejimi ğədə şəhron həmlə kardəş.

Eberi zıvonə mənbəon elan kardışone ki Ğudsi ğərbədə xəbədorə siğnal bə sədo omə.

Im mənbə həmçınin işğoliyə Ğudsədə vey yolə tepımoni sədo məse beyku xəbə doşone.

İjən Ğəzzə ətrofədə bıə sionist rejimi qədə şəhron de Fələstini muğaviməti qrupon rəketi həmləon vositə hədəf ğəror ğətəşone.

Co qılə səmtiku həm Fələstini islomi cihodi hərbi toğə, Seraya Əlğuds həm elanış kardə: Zəyton  məntəğə şərğədə Fələstini cihodəkəyon, bə sionist rejimi ləşkəri zerehinə maşinon qıvonə zərəl-ziyonon varid kardışone.

Seriya Əlğuds ijən əlovəş kardə: ısət muğaviməti mubarizə kardə kəson, de israili işğolçiyə hərbion mubarizə bardey holədən ta bə Zəytoni məntəğə səmt, çəvon bənavşey vəy bıqəton.