İşğolçiyə rejimi ləşkər: Ğəzzədə çəmə tələfoti miğdor vey ğəmqinəkəy

Sionist rejimi ləşkəri sıxənəvot bə Ğəzzə tanqə tojə zəmini nıfuzi cərəyonədə bə 11 nəfər israili hərbi kıştəon elan kadey bəpeşt, votışe: Ğəzzədə çəmə kıştəon miğdor vey ğəmqinəkəy, 326 qılə sərbozi ailəon, çəvon sərbozi kıştə beyku xəbədo kardımone.

bə Fars aqentiyəti raporti əsos, zinə çəşəmbə Noyabrə manqi 1 minnə rujədə, sionist rejimi ləşkəri sıxənəvot, Telavivədə xəbəiyə iclosədə təsdiğış kardə: Ğəzzədə çəmə kıştəon miğdor vey ğəmqinəkəy.

Haqari ijən təkidış kardə: əmə cəhd kardedəmon ki ıştə ğıvvon əmniyyəti təmin kəmon. işğolçiyə rejimi ləşkəri sıxənəvot ijən dəvomış do: çəmə iminnə ko ıme ki Ğəzzədə 240 qılə əsiri ozod kəmon.

Zinə sıb, sionist rejimi ləşkərdəvardə rujədə Ğəzzə tanqə şimolədə zəmini həmlə cərəyonədə 9 nəfər ıştə hərbiçiyon kıştey etırofış kardə.