Əmirəbdullahiyan: İroni hamsuyəti siyosətədə Ərəbistoni vırə vey muhimme

İroni xarıci vəzir, İslomi Respublika hamsuyəti siyosətədə Səudi Ərəbistoni vırə vey muhimm zınəşe.

İron və Ərəbiston 2 sor muzakirə bəpeşt ki de Oman və İraği mizbonəti bərpo bıə Milodi 2023 minnə sori Martə manqi 10 minnə rujədə iyən Pikenədə 2 qılə kişvəri milli əmniyyəti təşkilaton çand rujə votımon və vindemoni bəpeşt, ıştə rabitəon normal kardeyro qıləy bəyoniyə muntəşir kardey vositə ıştə təvafuğon elan kardışone.

Bə İrna raporti əsos, İroni xarıci vəzir Huseyn Əmirəbdullahiyan de Ciddədə bıə İron İslom Respublika sərkunsoli Həsən Zərneqar Əbərğoi vindemonədə İroni hamsuyəti siyosətədə bə Ərəbistoni vey muhimmə vırə iyən həmmə baxşonədə 2 qılə kişvəri miyono həmkoəti nığıləti iyən Ərəbiston və İroni rabitəon hevujətiədə bə 13 minnə devləti ğoymə irodə təkid kardışone.