Ğəribabadi: bə Fələstinıjon ələyh cinoyətədə sionist rejim coyli ni.

Məhkəmə ğıvvə insoni həxon ğərorğoh katib, de işorə bə Ğəzzədə bə ğeyri hərbiçiyon ələyh sioniston cinoyəton dəvom, təkidış kardə: ım cinoyəton əncom doeyədə sionist rejim ki 75 sor rişəş heste, coyli ni və bəpe icozə mədəmon ki ım həğiğət yodiku beşe.

Oktiyabrə manqi 7minnə rujədə, Fələstini muğaviməti qrupon, de Ələğsa Tufan nomo əməliyoti vositə, bə sionist rejimi ələyh ıştə həmləon bino kardışone. ım məğlubiyəti bəpeşt, Telaviv, intiğom sıey hərəkəti çərçivədə, de şiddətin surət bə Ğəzzə həmləş kardə.

Bə Ğəzzə səhiyyə vəzorətxonə statestikaon əsos, sionist rejimi həmləon dumoədə, Ğəzzə şəhidon miğdor, 10 həzoku vey əlovə bıə ki ım miğdoriku vey jenon və hırdənonin. molki şahrvandon ğətli-am kardey və sioniston cinoyəton xəbəon nışo doeyədə ğərbi mediyaon be meyli dınyo tənğidon icodış kardə.

Bə İrna raporti əsos, Seşəmbə rujədə və bə sıə hilali mizbonəti Ğəzzə fociəon barədə humanitar və beynəlxalğə huğuğon rol təğib kardey iclosədə,bəşər həxon ğərorğoh katib, Kazım Ğəribabadi votışe: dəvardə 1 manqi mıddətədə sionist rejim Ğəzzədə muxtəlifə cinoyəton əncomış do.

Ğəribabadi ijən əlovəş kardə: bə bəşəriyəti ələyh sionist rejimi ım hərəkəton, canqi cinoyət, etosniye və ğovmi və erğçi pok kardey bə hisob omeydə.

Məhkəmə ğıvvə insoni həxon ğərorğoh katib, sionist rejimi cinoyəton əncom doey nışonəon vey zınəşe və votışe: ım devronədə iyən məlumaton əsrədə, bəpe icozə mədəmon ki ım fociə və cinoyəton yodiku beşe.

Im iclosədə ijən sıə hilali cəmiyəti sədr Pihuseyn Kolivənd votışe: Fələstinədə və ım sərzəmini millətiro, həmmə humaniarə prinsipon darşiyə bıə və ım millətiku mudafiə kardeyro çəmə həmmə cəhdon əncom dodəmon boçi ki çəmə əxloği və şəri vəzifəy.