Seyd Həsən Nəsrullah: ə tərəf ki bəpe noumu bıbu, sionist rejime

Hizbullah sərkatib de bəyon ım ki sionist rejimi bənə dəvardə ıştə hisob kitobədə səhv kardəşe votışe: Livani millət bə muğavimət vey bəfodor bıən.

Bə İran Peres aqentiyəti raporti əsos, Seyd Həsən Nəsrullah bəyonış kardə: bə nəzə rəsə ki sionist rejim dəvardə 75 sori mıddətədə Fələstini milləti ğətli-am, avarə kardey iyən çəvon kəon xərob kardeyku hiç dərs qətəşon ni, əv ijn votışe: ım hərəkəto nəticə çiç bıə? Aya Fələstini millət ıştə  muğaviməti bə kəno noşone?əksədə, çəvon ım muğavimət və irodə və ədəniyət nəsl bə nəsl zumand bıə, ta ım ki ımsorədə bəştə vey barzə dərəcə rəsə, Livanədə həm vəziyət jıqoe, Livani millət həmmə sioniston kıştey bəpeşt, ıştə muğaviməti dəvom doşone.

Əv ijən əlovəş kardə: sionist rejim oşko və beabruyəti surət, bə Ğəzzə tanqə həmlə kardedə. Ğəzzə tanqədə həm israili vhşiyə koon və həmləon kam bıə ni, bəlkəm har ruj bə ım şərrə koon əlovə bəbe,, ım həmlon sionist rejimi vəhşiyyə intiğomi sıəy nışonəy ki hiç marzış ni.

Hizbullah sərkatib ijən təkidış kardə ki sionist rejimi deşmon bənə dəvardə ıştə hisob kitobədə səhvış kardə, əv ijən votışe: Livani millət bə muğavimət vey bəfovorin. de təəsufi kali mediyao və ərəbi və ğərbi kişvəron zıney zıney və təsadufi, sioniston ım hədəfi cəhətədə əməl kardedən. ə tərəf ki bəpe noumu bıbu, israile. israil bızno ki Ğəzzə və Livani şəhidon pokə bədəniku muğavimətiku nəslon icod bəbe ki de ım işğolçiiyon mubarizə bardeyədə və çəvon məhv kardeyro vey ğoym bəben.

Nəsrullah ijən bəyonış kardə: şəhidon xun deşmonon vədə mudafiə kardey bois bəbe,əv ijən əlovəş kardə: çəmə şəhidon bəsirəti soybin. əvon dust, deşmon , roy iyən dəqijniyə zıneydən. əvon zıneydən ki mınosibə zəmon iyən vırədə kom ko əncom bıdən. əvon məsuliyət ğəbul kardə kəson in və əməl, cihod və səbri soybin.