Bə Tehron iyən Bəğdadi əmniyyəti həmkoəti təkid

İron İslom Respublika intizomi həmmə komandir iyən İraği iminnə vəziri vindemonədə bə Tehron və Bəğdadi mniyyəti həmkoəti təkid kardey bıə.

Şənbə rujədə İroni İslomi intizomi həmmə komandir Əhməd Rıza Radan bə İRaği rəsmi şəxsi rəsmi dəvəti əsos bə ım kişvər səfərış kardə.

Bə İran Peres aqentiyəti raporti əsos, Dışəmbə rujədə Sərdar Radan de İraği kişvəri iminnə vəzir Muhəmməd Şiyae Əlsodani vindemonış kardə və 2 tərəf marzon kontrol kardey dosiyədə əmniyyəti həmkoətion barədə de yande votımonışon kardə.

Bə İraği iminn vəziri mediya ofisi bəyoniyə əsos, ım vindemonədə 2 tərəf, de narkotin maddon ğaçaği mubarizə bardey, marzon kontrol kardey dosyeədə 2tərəfi əmniyyəti həmkoətion, cinoyəton təğib krdey, daxıli əmniyəti oqətey zəminədə 2 qılə kişvəri miyono muxtəlifə həmkoətiyon barədə məşvərəton əncom bıə.

Im vindemonədə Muhəmməd Şiyae Əlsodani muxtəlifə doseyon komil kardey və ticori mıbodiləon zumand kardey cəhəto, və əmniyyət və subut icod kardey iyən prinsipon icro kardeyro 2 qılə kişvəri polisi miyono bə həmkoətion əhəmiyyət təkidış kardə.