Ğəzzə Əlfəxure məktəbədə ğətli-am

İsraili ğırəkə təyyorəon, Ğəzzə şimolədə Cəbəliyyə oruqohədə Əlfəxorə məktəbxonə bombardımon kardışone ki bə oxonə raporton əsos, tosə ısət ım həmlədə 200 nəfəriku vey şəhid bıən.

Bə Ğəzzə milləti sionist rejimi həmmə tərəfiyə həmləon iyən canqiku 45 ruj dəvardedə. Sionist rejimi ım həmləon cərəyonədə 12 həzo nəfəriku vey şəhid kardəşe ki ım miğdoriku 70 fayiz hıdənonin.

Fələstini səhiyyə vəzorətxonə elanış kardə ki Cəbəliyyə ğərbi Əlfəxorə məktəbxonədə sionist rejimi ğətli-ami şəhidon miğdor, minimum 200 nəfər şəhid bıən.

Im məktəbxonə bə İMT təşkilot (Anova) vabəstəy iyən bəvədə avarəon sakin hestin ki çəvonku vey hırdənonin. Ğəzzə səhiyyə vəzorətxonədə qıləy rəsmi şəxs ijən elanış kardə: bə Cəbəliyyə orduqoh sionist rejimi həvo səmtiku həmləon cərəyonədə 32 nəfər qıləy ayilə uzvon şəhid bıən ki çəvon miyonədə 19 nəfər hırdən bin.

De ım məktəbxonə bombardımoni həmzəman,Təllelzəetər həm bombardımon bıə.

Im cinoyəton dumoədə HƏMAS qıləy bəyoniyədə elanış kardə ki Əlfəxorə məktəbxonə ğətli-am Fələstini çand sa nəfər ğətli-am kardey dəvomədə əncom bıə ki de Amerkə devləti havzə çeraği vositə əncom bıə.