Fələstinədə ozod bıə əsironku hevujə və beşey

Vey Fələstini millət bə Fələstini merd iyən jeni əsiron və beşən ki bə de sionist rejimi əncom bıə sazışi əsos, ım rejimi zindononku ozod bıən və bəştə ayilə və obəqarışone.

Bə İran Peres aqentiyəti raporti səos, Bitoniya qədə şəhr əcumlə məntəğəoni bə hisob omeydə ki vey Fələstini millət sionist rejimi zindononədə əsir bıə hırdənon və jenon və şin.

Zinə şəv Fələstini əsiron koon idorə təsdiğış kardə ki 39 nəfər əsir de sionist rejimi vositə ozod bıən.

Im əsiron 24 nəfər jen və 15 nəfər hırdənin.

Im idorə bəyoniyə ğolibədə elanış kardə ki ım qrup, Fələstini əsironku iminnə qrup heste ki Cımə şəv və bə əncom bıə otəşvəsi sazışi əsos, ozod bıən.

Cımə sıb, Fələstini muğaviməti hərəkət və sionist rejimi miyono 4 rujə otəşvəs bino bıə.

Fələstini muğavimət bə Ğəzzə və işğol bıə sərzəminon co qılə məntəğəon milləti ələyh sionist rejimi təcavuz və işğolçiyəti cəvobədə Oktiyabrə manqi 7 minnə rujədə bə ım rejimi ələyh Ələğsa Tufani əməliyoti binoş kardə.

Sionist rejim bənə həmişə de jimoni vırəon bombardımon iyən molki şəxson ğətli-am kardey bə muğaviməti əməliyot cəvob doşone.

Nəhayətədə ım rejim bəştə əsiron ozod kardey xoto ıştə əməliyotədə məğlubiyəti ğəbulış kardə və muğaviməti vədə təslim bıə.