De Fələstini təhəvvulaton mehvəriyət, İron və Tırkiyə xarıci vəziron votımon

İron İslom Respublika xarıci vəzir, Huseyn Əmirəbdullahiyan de Tırkiy xarıci vəzir Hakan Fidan telefoniyə votımonədə Fələstini təhəvvulaton və kali 2tərəfiyə mevzuon barədə votımon kardışone.

Bə İrna raporti əsos, ım votımonədə Əmirəbdullahiyan bə Ğəzzədə bə Fələstini milləti ələyh sionist rejimi cinoyəton komil surət oqətey zərurət təkid və təsdiğış kardə: lozime ki İron və Tırkiyə de islomi co kişvəron bə ico, Fələstini millətiku himoyə kardeyədə vey zumandə hərəkəton əncom bıdən.

Əv ijən mixtəlifə baxşonədə 2 qılə kişvəri həmkoətion bə inkişof şey prossesiku ıştə rizoyəti nışoş do və votışe ki de 2 qılə kişvəri miyono ali səthi diplomatiya dəvomi mıştərəkə həmkoətion har rujə nığıləti və zumandəti şoyd bıbəmon.

Im votımonədə həm Tırkiyə xarıci vzəzir Hakan Fidan bə Ğəzzədə otəşvəsi dəvomi xoto cəhdonro bə Tırkiyə irodə təkidış kardə.