Farsi dıyoku Amerkə Eisenhower təyyorə eskadron xarıc bıey

İslomi İnğilobi Sepah Təşkilati dıyo ğıvvə komandir de işorə bə məntəğədə Amerkə Eisenhower təyyorə eskadron, ım ğıvvə dəvominə kontrol, Hormozi tanqə və Farsi dıyo məntəğəku ım kəşti xarıc bıeyku xəbəş do.

Bə İrna raporti əsos, Sepah Təşkilati dıyo ğıvvə komandir, Qeneral admiral Əlirıza Tənqsiri de işorə bə Hormozi tanqə və Farsi dıyo məntəğəku Amerkə Eisenhower təyyorə kəşti oxonə varid və xarıc bıey ijən votışe: ım eskadron 20 rujiku kam Farsi Korfezədə iştirokış be ki həminə mıddətədə həm Sepah dıyo ğıvvə canqəkəyon kəşfiyoti kontrolədə ğəror qətəş be.

Admiral Tənqsiri ijən əlovəş kardə: ım navi iştirok fəğət təbliğoti cəhətış be və çəvonro hiç əməliyoti xusiyətış ni, boçi ki Sepah dıyo ğıvvə canqəkəyon de huşin, har rujnə və ləzzə bə ləzzə, və səth, səthi sə və səthi jiədə ım eskadron kontrol əkin.