“Şəhidul Ğuds”; Qeneral Suleymani şəhodəti mərosimi şuar

“Şəhidol Ğuds” bənə Qeneral Ğasım Suleymani şəhodəti sorəqardışi 4minnə şuar vıjniyə bıə.

Miladi 2020 minnə sori, Dey manqi 13 İroni Sepahe Ğuds təşkiloti nakonə fərmondə iyən dılon sərdor, Şəhid Hac Ğasim Suleymani qıləy holədə ki İraği rəsmi şəxson dəvəti bə ım məmləkət səfərış kardə be, de Amerkə təcavuzkor iyən terroristiyə ğıvvon xəbisə əməliyoti vositə Bəğdadi airporti nezi şəhid be.ım hodisədə İraği milləti bəsici (Həşdu-Şəbi) nakonə komandir Əbo Məhdi Əlmuhəndes iyən 8 nəfər ım 2 qılə komandiri bə ico bıə kəson həm şəhid bıən.

Bə İrna raporti əsos, Dışəmbə rujədə şəhid Suleymani şəhodəti 4minnə sorəqardışi mərosimi ğərorqo sıxənəvot, Muctəba Əbtəhi bəyonış kardə ki ım ki “Şəhidol Ğuds” ım mərosimi şuar vıjniyə bıə, əv ijən votışe: ımruj şəhid Suleymani təcəlli, məntəğə və həmmə vırəon iyən muğaviməti cəhbədə muşahidə bıdə və Amerkə bazaonədə deşmonon hər ruj Hac Ğasımi sədo məseydən.

Əbtəhi ijən əlovəş kardə: 4 sor, qeneral şəhid Suleymani şəhodəti bəpeşt,Ğəzzə həmmə vırəonədə ım barzə məğomi şəhidi fikon təcəlli peydo kardəşe.

Şəhid Suleymani sorəqardışi yolqətey ğərorqoh de bəyon ım ki Miladi 2024 minnə sori Yanvari 3minnə rujədə və Tehroni İmom Xomeyni(r)-i musəllaədə, və de kişvəri və ləşkəri rəsmi şəxson və İroni həmmə milləti iştiroki ım yolə şəhidi 4minnə sorəqardış bərpo bəbe əv ijən təsdiğış kardə: Miladi 2023 minnə sori Dekabrə manqi 31 minnə rujiku tosə Miladi 2024 minnə sori Yanvari 7minnə ruj bənə muğaviməti haftə və ijən Yanvari 3 bənə muğaviməti beynəlxalğə ruj nom noə bıə.