Əmir Əbdullahiyan:İron və Omani miyono əloğəon hevuj kardey bıə təkid

İroni xarici koon vəzir Huseyn Əmir Əbdullahiyan 13-ə devləti bə Tehron-Məsğət rabitəon hevuj kardey və həmmə siyosi,ixtisodi və mədəni cəhətonədə dıtərəfunə həmkoəti nığıl kardeyro ğəti irodəş təkid karde.

Bə İRNA məlumoti əsos,İron İslom Respublikə Omanədə bıə nuyə səfir Musa Fərhəng ıştə missiyə bə vırə rosneyro bəro dəqıniyə ərəfədə de Huseyn Əbdullahiyani vindemonış kardə və ıştə missiya sahə, navədə bıə planon barədə hisobat təqdim kardə holədə Tehroni de Masğadi miyono həmkoəti inkişofış şərh doə.

Bın didoədə Huseyn Əmir Əbdullahiyan çe İron İslom Respublikə hamsuyəti siyosətədə bə Omani mevğey təkid kardə holədə,dıqlə məmləkəti yolon miyono roziyətiyon bə həyot dəvordıney ğeyd kardey kəno,13-ə hukuməti çe dıqlə kişfəri miyono əloğəon hevuj kardeyi istiğomətədə və qırd siyosi iyən ixtisodi rabitəon ziyod kardeyədə bə ğətiyə irodəş təkid karde.

Fərhəng çımi bənav çı İron İslom Respublikə Tunisədə bıə səfirəti muavini,İroni İƏƏ bıə səfirəti muavin,Nezə Şərğ və Fars Korfəzi İxtisodiyyat İdorə rəyis,Nezə Şərğ və Şimoli Afrika Departamenti rəhbəri vəzifəonədə koş kardə ,həmçinin İron İslom Respublikə Tanzaniyədə bıə səfir,bın sahədə sər ekspert və Xarici Koon Vəziri muşaviri vəzifəonədə koş kardə.

İron iyən Omani miyono oxonə da soronədə munasibəton,bə Fars Xəlici ziddiyəton və Amerkə ıştə ironəfobiyə siyosəti zumand kardy cəhdon əsos,hejo bə hurmət və dıtərəfinə foyda əsos onə bıə.

Omani rəsmiyon hisob kardedən ki,de İroni tanqə munasibəton bə həyğəton və realizmi əsose və Oman İroni ıştə dıjdə hamsuyə hisob kardedə.