İroni xarici koon vəzir:Fələstini xalği səçıni həxış bıənine.

İroni xarici koon vəzir:Fələstini xalği səçıni həxış bıənine.

İroni xarici koon vəzir:Fələstini xalği səçıni həxış bıənine.Huseyn Əmir Əbdullahiyani votəşe: Fələstini milləti de İMT koməqi bə vıjnemoni həxon malik bıənine ki,ım həmən de qırd fələstinıjon  iştirokı və de referendumi ədvordıney mumkin bıey bəzıne.İron İslom Respublikə çı İslomi İnğılobi ğələbə bədiqə bə dınyo ozodipiyə xalğon,xususən həm bə məzlumə Fələstini xalği dastəkış doə və bın nəzəku İmom Xomeyni(r.ə) mıborəkə Rəməzonə manqi oxonə cımə ruji de Ğudsi ruji nom noey himoyə kardey həm ım ko təsdığ kardedə.İslomi İnğılobi çıl sorisə ziyodə qıləy devri ərzədə çe İroni devləti xadimon bə dınyo məzlumə xalğoın və bə məzlumə Fələstini milləti ıştə dastəkış doə.Bın rujonədə İron İslom Respublikə çı seonist rejimi Ğəzzə tanqə bıə cinoyəton dərhol oqətey təkid kardeysə əlovə, çandə dəfə çı Fələstini qırd etnik qrupon bıə fələstinıjon tərəfiku idorə kardey və digər məmləkəton bə Fələstini daxili koon mıdoxilə nıkardeyış bəyon kardə.

Demi əlağədor və bə IRNA məlumoti əsos,İroni xarici koon vəzir Huseyn Əmir Əbdullahiyan İMT Əmniyyət Şurə iclosədə iştirok kardero bə Nyu Yorki səfə çərçivədə və de Əl-Monitori interviyuədə İroni çı Fələstini məsələdə diplomatiyəş izoh kardə.Əy bəyonış kardə: “Fələstin-Fələstin diyaloqon oney lozıme və əvon çın  diyaloqonku kom nəticə bekardey oməmuteyn və Ğəzzə iyən İordan ru ğərb sahili idorə kardeyədə bə qıləy nəticə bomeyn. Huseyn Əmir Əbdullahiyani voteşe:Fələstini milləti səçıni həxonış bıənine iyən de İMT koməqi vıjnemoni model icod bıənine. İroni xarici koon vəzir çı Səudiyyə Ərəbıstoni Fələstini əsosə prioriteton elon kardey bə yod dənə holədə voteşe:çı israyili oxonə hərəkəton de ın rejimi mınosibəton normal kardey məsələş mırəkkəbış kardə və de ın vəzyəti de israyili mınosibəton normal kardey piyə kişfər boçımiro bəpe qıləy sanqinə xarc bıdo.Huseyn Əmir Əbdullahiyani de “Al-Monitor”-i musahibədə muzakirə bıə cor mevzu İron-İrağ mınosibəton bıə.İroni xarici koon vəzir Tehron iyən Bağdadi mınosibətonış zumand və imtiyozinə əloğəonış zıne və bə İroni de İraği miyono əmniyyəti sazişon işorə kardə holədə,İroni çı İraği Kırdıston məntəğə terrorçiyon ğərorqoı hədəf qətey əloğədor oxonə hərəkətış bə beynəlxalğə norməon çərçivədə ıştəni mıdofiyə kardey əsose.