Bə Ğərbi Asiyə hodisəon qıləy nəzə

Bə Ğərbi Asiyə hodisəon qıləy nəzə

Dəvardə haftə həmməysə muhimmə hodisə çe İron İslom Respublikə bə sehyonist rejimi cinoyəton cəvobədə ki,bə İroni Dəməşğədə bıə konsuləti baxşi həmlə reaksiyə be.İslomi İnğılobi Ali Məğaminə Rəhbər de ğətiyyəti elonış kardəbe ki,sehyonist rejimi bə İron İslom Respublikə Dəməşğədə bıə konsuləti ələyh kardə cinoyəton xoto bıə cəvob peşmonəkə bəbe. Həzrət Ayətullah Xameneyi çoşambə ruji sıbi zəmonədə de nizomi məsil şəxson,İslomi məmləkəton səfiron iyən mərdumiku bıə i dastə de Fıtrə idi mınosibəti bıə vindemonədə de bə zolımkorə sehyonist rejimi bə İroni Suriyə poytaxt Dəməşğədə bıə konsuləti baxşi həmlə işorə kardə holədə voteşone:qlobal urf iyən adətədə bə har qıləy kişfəri konsuləti iyən səfərotxonə həmlə kardey bə həmonə devləti zəmini hucum kardey bə hisob omeydə və səyku bə po de cinoyəton pur bıə sehyonist rejim bəpe bə ın cinoyəton xoto tənbe bıbu iyən bə cəzo rosney bıbu.

Dəvardə haftədə sehyonist rejim İron İslom Respublikə reaksiyə ziyodə təmərkuzış hestebe. amerkə səy kardedəbe de sehyonist rejimi himoyə elon kardey,bə İron İslom Respublikə bə sehyonist rejimi həmlə kardey ğəroli ziyodə təsir bıno.

Dəvardə haftədə coqlə muhimmə hodisə ım be ki,Fıtrə idi ruji həm sehyonist rejimi bə Ğəzzə tanqə ələyh hucumon dəvom kardey be.sehyonist rejim bə Həmasi siyosi buro rəyis İsmoyl Həniyyə fərzəndon iyən nəvəon kırnə maşini həmlə be ki,çın vəhşiyonə hucumi nəticədə çe İsmoyl Həniyyə xıyzoniku 6 nəfər bə şəhodəti məğami rəsin.Fələstıni Mığovimət Hərəkoti (Həmasi)siyosi ofisi rəhbəri bə sehyonist rejimi vəhşiyonə hucumi nəticədə deçəy fərzəndon iyən nəvon şəhodəti xəbə təsdığ kardey voteşe:əmə de ın dard iyən xuni bo milləti,boştə ideyalon və millətiro umu,vəomə iyən ozodi ofəyedəmon.bə Xıdovəndi bəmı ın seqlə zoə iyən seqlə nəvon şəhodəti iftixori nəsib kardey xoto,şık kardedəm.

Çe Mığoviməti komandanon iyən çəvon xıyzonon uzvon terror kardey ıştədə qıləy muhimmə mesaj ehtivo kardedə.muhimm iyən əsliyə mesaj ıme ki,sehyonist rejim qıləy terroristə rejime.ın rejim çe terroriston pıətiye iyən terroristə əməliyyoton əncom doey koyədə qıləy barzə səviyyədə təcrubə iyən mahirətiş heste.

Dəvardə haftədə coqlə muhimmə hodisə sehyonist rejimi Ğəzzə tanqədə de mığoviməti dastə  bıə canqədə dəboxtey be.həyğətədə canqi meydonədə bıə nokoməti bə tel-avivi çe mığoviməti cəbhə komandironku bıə kin-kudurəti səbəb bıə.həmonə cəhətədə Fələstıni İslomi Cihodi  Hərəkot de qıləy mesaji de İsmoyl Həniyyə fərzəndon iyən nəvon şəhodəti mınosibəti elonış karde:ın nomərdə əməliyyotəy təyid iyən təsdığ kardedə ki,dışmen canqi meydonədə bəştə hədəfon rəseyədə nokoməti xoto ıştə səş qim kardə və çəy əvəzi beşey fikədəy ki,ıştə kudurəti kuyə tiyon bə mığoviməti cəbhə fərzəndon iyən çəvon xıyzononku intiğomi səmt muzim qəteydə.