Ərəbıstoni podşo bə Britaniya i minə vəzir fəxri nışonə doşe.
-
Britaniya dıvlət icuzəş doə ki 3 milyard Pond siloh bə Ərəbiston sadir blbu.
Ərəbıstoni podşo de Britaniya i minə vəzir Tereza Mey mılağat karde cərəyonədə bəy fəxri midali doşe.
Bə Fars aqentiyəti raporti əsos Məlik Səlmon və Tereza Mey ım mılağatdə 2 tərəfiyə həmkarion məxsusən hərbi sahədə əloğəon barədə həm sohbətışon kardə.
Tereza Mey bə Ərəbıston səfər karde bə nav qıləy yolə heyəti sədrədə bə Yardaniya həm səfər kardə bıə.
Britaniya bə Ərəbıston siloh sadir əkə kişvəronku qıləy əsliyə kişvəre ki çəy həvatə bıə silohon ısət bə Yəməni məzlumə milləti əleyh hucum karde cərəyonədə istifodə bıdə.
Həminə hucumi bino beyku Britaniya dıvlət icuzəş doə ki 3 milyard Pondiku həm vey siloh bə Ərəbiston sadir bıkə və hol ım ki bə Yəmən təcavoz kardeku fəğət 11 həzo nəfər kışte, 10 həzo nəfəriku həm vey zəxmin, ijən çand milyon nəfər avarə bən.
Isət Yəməni milləti kəon və umumi vırəon həm vironə bəy.
