Fələstıni milləti həxon
Fələstıni milləti həxon
Fələstıni milləti həxon
Nəğbəti hafto şəşminə sorəqardışədə nəyinki,çe Ğudsi işğaləkə sehyonist rejimi cinoyətonku bəkam be, bəlkəm ısət Ğəzzə tanqədə mislış nıbə tuməbır cərəyon kardedə.milodi 2023-ə sori oktyabrə manqi 7-iku sehyonist rejimi bə Ğəzzə tanqə milləti ələyh canqış bino karde iyən de təğribən 8 manq zəmoni dəvarde çın torıxədə nıbə cinoyətonku hənuz həm bə canqi oqətey ayid qıləy nışonə bəçəş çiyedəni.milodi 2023-ə sori oktyabrə manqi 7-iku tosə milodi 2024-ə sori mayə manqi hafti sehyonist rejimi bə Ğəzzə tanqə milləti ələyh qenosidi cərəyonədə 35 həzo veyə Fələstınıj bə şəhodəti məğami rəsən və təğribən 80 həzo nəfər həm zədəjə bıən və 2 milyonisə ziyodə insonon həm ıştə kə-bəonku varə və sərqərdon bıən.
Ğəzzə tanqədə jimoni məkonon,noxəşxonəon,damon iyən Səhiyyə və mualicə mərkəzon,tədris məktəbon,ovi infrastrukturon iyən həmçinin çe avarəon kamp və orduquon həmmə bə sehyonist rejimi canqi təyyorəon,dronon iyən tanqkon həmləon xoto,xərob bıən iyən çe miyoniku şıən.bə beynəlxalğə hisoboton əsos,bo Ğəzzə tanqə təxrib bıə vırob sənibəton təmir kardero 40 sorisə ziyodə zəmon lozıme. Ğudsi işğaləkə sehyonist rejimi Ğəzzə tanqədə 3 həzo 100 qıləsə ziyodə ğətlı-amon əncom doey bıə.bə Ğəzzə tanqə milləti ələyh canqi cinoyəton mığdor qıləy həddədəy ki,hətto İMT sərkatib Antoniyo Quterres çe İMT mənşur iyən məromnomə 99-ə maddəş aktiv karde.ın maddə bə İMT sərkatibi ın imkoni doydə ki,çe Əmniyyət Şurə dığğəti bə qıləy mevzu ki,mumkine “beynəlxalğə sulh iyən əmniyyəti muhafizə bə təhlukə eğandə” mevzu səmt cəlbko.
