Amerkədə tələbə etırozon
Amerkədə tələbə etırozon
Kolumbiyə Unversteti tələbəon bə sehyonist rejimi ələyh etırozonədə oxonə devrə zikməvulə aprelə manqi 22-ədə jeşone.ın etırozon de surəti bə Amerkə coqlə Unversteton səmt pevolo be iyən çe Amerkə ziyodə Unversteton elmi heyəti uzvon etırozəkə tələbəon restə anqıl qıniye.ın etırozon de oroməti iyən sulhamizə surətədə bərpo bıəbe.əmmo çe Amerkə polis de bə sulhamizə surətədə bərpo bıə mitinqi iştirok əkəyon həmlə kardey,əvonış dastqir kardey,çəvon çodoonış cəm karde iyən həmonə tələbəonış çəyo pərokəndə iyən volo-voloş karde.bə se həzo nezi tələbəon de Amerkə polison təvəssuti dastqir iyən qətey bin.
Amerkə Unverstetonədə bə bə sehyonist rejimi ələyh oxonə etırozon ləpəon de milodi 1960-1970-ə soronədə bə Vyetnami zidd bıə tələbəon hərəkoti mığoyisə kardey bəbe.qıləy hərəkot ki, hartərəfinəti cəhəto bənə 1980-ə soronədə bıə bə apareidi ələyh bıə hərəkəoti zıney bəbe ki,həmonə hərəkotədə de Cənubi Afrikədə bıə aparteid rejimi ticori rabitəş bıə şirkəton hədəf ğərol doey be iyən nəhoyətədə 15-əsə ziyodə Unverstet iyən İnstitutışon bə ın kişfəri sərmoyə iyən investisiya noey bırniye vodor kardeşone.
Çunki,Amerkə iyən Avropə Unverstetonədə umumən jıqo qıləy ianə və mılkiyyətışon heste ki,çəvon bəromə iyən sərmoyə noey vırəy.tələbəon de qıləy rejimi ıştə moliyyə rabitə bırniye tələb kardedəbin ki,bə beynəlxalğə normə və ğaydəon iyən bə bəşəri həxon hiç qıləyni rioyət kardedəni iyən unversteton moliyyə himoyəoniyən dastəqon bo yəhudi xalği anti-insonə hikoyəro xarc kardedən.qıləy rəvoyət iyən hikoyə ki,hətto yəhudiyonış həm əsəbin kardəşe ki,çe sehyoniston irğçiyə hikoyə ğəbul kardedənin.
Tələbə fəolon votedən ki,sehyonist rejimi daxilədə bıə şirkəton ki,de ə kişfəri ticorət kardedən,çe Ğəzzə ısətnə cariyə canqədə de sehyonist rejimi şərikin.çoko ki,Kolumbiyə Unversteti tələbəon çı Ğəzzə canqi sıftədə ıştə unversteti yolonku tələbışon kardəbe ki,bənə Qoql iyən Amazoni bıə dıjdə şirkətonədə 1 milyard 300 milyon dollari erjədə de tel-avivi bəico avəon hisob kardey sahədə noə sərmoyə noey koy oqəto və bə oxo bırosno.ın dığğət kardəninə nuktə ıme ki,çe Amerkə kollec iyən Unversteton vəğfi mulkiyyəti molon çand sa milyard dollari erji həcmədən.məsələn Kolumbiyə Unversteti mılkiyyəton molon milodi 2023-ə sori bə 13 milyard 600 milyon dollari rəsəbe.
