Şəhid Seyd İbreym Rəyisi jimon

İroni İslomiyə Respublikə prezdent Seyd İbreym Rəyisi və deəy bə ico bıə heyət zinə 1şanbə ruji Şərği Azərbaycani Vərzəğan məntəğədə, bə helikopteri hodisə xoto bə şəhodət rəsin

Şəhid Seyd İbreym Rəyisi jimon.

İroni İslomiyə Respublikə prezdent  Seyd İbreym Rəyisi və deəy bə ico bıə heyət zinə 1şanbə ruji Şərğiyə Azərbaycani Vərzəğan məntəğədə, de helikopteri hodisə xoto bə şəhodət rəsin.

In aviya hodisədə İroni İslomiyə Respublikə przdent  Seyd İbreym Rəyisi və deəy bə ico bıə heyət mencumlə xarici koon vəzir Əmirəbdullahiyan, Təbriz şəhri cımə İmom Aytullah Alehşem, Şərği Azrbaycani ostandar Rəhməti iyən helikopteri pəre kadr və pilot, Prezdenti mıhofizə komanda yol bə şəhodət rəsin.

Bə Səhab kanali raporti əsos Şəhid Seyd İbreym Rəyisi miladi 1960 minə sori dekabrə manqi Məşhəd Mığəddəsə şəhri Noğan nomo diədə qıləy ruhaniyə xeyzondə bə dınyo ome.

Çəy pıə Huccətull İslom Seyd Hoci Rəyisulsadati iyən çəy moə Seyedeh İsmət Xodadadhuseyni , Huseyniyə Sadati sulalə və ha dıtərəfiku çəy nisbət bə Həzrəte Zeyd ben Əli Ben Əl-Husəyn(ə) rəsedə.

Bə İrib raporti əsos, İroni prezdent ki zinə Şərği Azərbaycan ostanədə çand qılə proyekti bə istismor rosniyeyro bə ın ostani səfəş kardə be, çəy helikopter suğutış kardə.

Qıləy holədə ki imdodi təşkilot və ğıvvon i minnə ləzəku ıştə koy bıno kardışone, oxoysə millət və imdodəkəyon de İronıjə dronon vositə hodisə vində vertəliyoti pəydo kardışone.

In hodisədə İroni xarıci vəzir Huseyn Əmirəbdullahiyan, Təbrizi imom cumə Ayətullah Seyd Muhəmməd Əli Ali- Haşim və Şərği Azərbaycan ostani ostandor Malik Rəhməti həm şəhid bin.

Şəhidon təşyi mərosim elon bəbe.