Hollivudi filmon

Hollivudi filmon

Amerkədə siyosi məsələon barzə ekspert  iyən zıvonşınos Noam Çamski çımi bənav amerkədə bın dəvardə çıl sori dırozi vıjorə ixtisodiyyoti nəticəon vironəkə tevsifi,çın kişfəri camiyə bə volo bıey səmt hərəkəti iyən faşizmi zuhuri həxədə çəşnaviş doəbe.

Ford Kapula boştə həmməysə nuyə “Meqapolis” filmi ekraniro çe Kanni kino festivalədə bıə qıləy mətbuoti konfransədə voteşe:amerkədə,çəmə cumhurədə,çəmə demoratiyədə bə əməl omə çiyon,dəğiğən həmonə formədə bənav şeydə ki,Romə çandə həzo sor çımi bənav ıştə cumhuriyyətış çe dasto doe.çe Amerkə siyosəton əməş bə qıləy vırəş rosnə ki,mumkine əmə ıştə cumhur iyən respublikə çe dasto bıdəmon.

Hollivudi Oxoroz-zəmoni filmonədə intersin iyən əsliyə mevzuonədə,çe amerkə ayəndəku qıləy toyki iyən tarsnokə təsvir bə ekron doey beydə.çın filmon veyniyədə siyosi mıborizəon bə qıləy kritik iyən behroniyə hodisəon təbdil beydə ki,camiyə bə volo bıey astanə və ərəfə şeydə.bın əsəronədə çe amerkə kinomataqrafiyə bənə Bərəhuti qıləy sərzəmini təbdil bıə və əyo bo insonon jimoiro qıləy vırə baği mandəni.

İnsoni camiyə bənə izolyasiyə bıə(yəni məhdud iyən bastə bıə formədə)jimon kardedən iyən çe jimoni imkonaton həmməysə vey saruyə səth iyən həddədəy.bın sərzəminədə bo co insonon xilos kardey xoto, qıləy ğəhrəmoni zuhuriro qıləy fırsət ni və çe jimoni şərayit vey jinə səviyyədəy.

Amerkə roya bo dınyo mərdumi bənə qıləy ideyalə sərzəmini nışon doey,quya və jıqo bızın bə oxo rəsə və çe Hollivudi royasoxtey karxonə həm bın əsəronədə,bo vəoməro qıləy noəmn iyən behronə sərzəmini bə formə dəşey həxədə xəbərdoəti doydə.