Ğədiri Xumi Yolə id

Ğədiri Xumi Yolə id

Pəyğombər(s) Hicri-Ğəməri 10-ə sori Zilğə`də manqi 24 ya 25-ə ruji de çandə həzo nəfəri bə ico,bo Həcci mənasik iyən mərosimi bərpo kardero,çe Mədinəku bə Məkkə şəhri səmt hərəkətışon karde.Həcci mənasik iyən mərosimi əməlon təmom bıey bədiqə,Pəyğombər(s) de mısılmınon bə ico,Məkkə şəhrışon tərk karde və bə Mədinə səmt hərəkətışon karde.əvon Zilhiccə mo 18-ə ruji kərvon bə Ğədiri Xumi məntəğə rəse.Xıdovəndi səmtiku Cəbrəyil-Əmin nozil be və bə Xıdo Rəsuli(s) əmrış karde ta Əli(ə) ıştə bəpeştə bənə vəliyy iyən vəsiyy unvoni bə milləti təğdımko iyən və bın zəmon çe Mayidə mıborəkə surə 67-ə şərifə ayə nozil be ki,de”təblıği ayə” məşhure:”Ya əyyuhəlləzinə….Ha pəyğombər ha! Iştı pərvərdıqari tərəfiyo bətı nozil bıə çiyon elon(təbliğ) bıkə və ehanə joqo nıkoyş Xıdo risolətro bə vırə rosniyəni və(bızın)ki,Xıdovənd tıni çı məxloği(şərriku)hifz bəkay(obəqəte).həyğətən,Xıdovənd kofirə ğovmi səbəro(hidoyət) nibəkarde”.

Bə rəvoyəton əsos,Xıdo Rəsul(s) Ğədiri Xumədə millətış cəm karde iyən çe Əli(ə) dastış qəte,rostış karde və ta həmmə kəson əy bıvindon.peşo hamyeşe:ha millət ha!aya mı şımə ıştənisə bəşmə veyə viloyətım ni?.mərdumi cəvobışon doe:bəle,ha Xıdo Rəsul(s)ha! Həzrəti hamyeşe:”Xıdovənd çımı vəliyye iyən mı çe muminon vəlim və bəvon çəvon ıştəniku veyə viloyətım heste.çən,hakəs ki,mı çəy mevlambu,Əli(həm) çəy əğə və mevlay”.

Xıdo Rəsuli(s) se kərə ın cumləş təkror karde və hamyeşe:Xıdovənda!ha kəs ki,Əliş piyedə iyən ıştə mevla bızıno,tı həm əy bıpyi iyən boəy yolyətikə və hakəs deəy dışmenətiko,tı həm deəy dışmen bıbi və hakəs bəy koməq bıko,bəy koməq bıbi iyən hakəs əy vo bıdo,tı həm əy bəçəy holi vo bıdə”....peşo bə mərdumi xitobən hamyeşe:”iyo hozzı bıə kəson bə ğayibon ımi bırosnon”....