AİŞ rəketə hucumədə şəhid bıə 290 sərnişini xotırə yod kardey
AİŞ rəketə hucumədə şəhid bıə 290 sərnişini xotırə yod kardey
Imruj 2 iyul 2024-ə sor seşambə ruji(Həşi 1403-ə sori Tir manqi 12) çe Amerkə "Vinsennes" kəşti bə İroni sərnişin təyyorə raketə hucumi sorəqardışe.sivı şəş sor çımi bənav(2 iyul 1988-ə sor) bın ruji “Vinsennes” hərbi kəşti bə İroni sərnişin əyyorə rəket ğandey nəticədə 66-qılə hırdən və 53-nəfər jen bıə holədə 290 sərnişini həmmə şəhid bin.çın ıştənəpəri suğuti bədiqə,Amerkə məğamon iyən səlohiyyətinə şəxson bo ın baxşənin nıbə cinoyəti bəhonəon vardero,ziddiyyətinə dəlilon nışon doşone iyən boştə ın dışmenə hərəkəti qıləy sodə səhf hisob kardero səy kardeşone,lakin Vincennes hərbi kəşti vey mıosirə radarə sistemon iyən de komputeri təchiz kardey nəzədə bıqətəmon, həmən pərə təyyorə nevi mıəyyən kardeyədə səhfə ehtımoli nıbey və çın hərəkəti təmomən dışmenəti bıey ğəbul kardey bıə.ımruj çın hucumi ğıboniyon xıyzonon iyən məsul şəxson Fars xəlici ovonədə bə sərnişinə ıştənəpəri 290 şəhidi şəhodətqo vılə dəstəon noə holədə,bə insoniyyəti zidd bıə çın cinoyəti ğıboniyon xotırəşon de ehtıromi yodışon kardə.
Amerkə bə bəşəri ələyh kardə cinoyəton,xususən həm mıxtəlifə kişfəronədə beqınoə insonon,ə cumlə həm İron İslom Respublikə Həvo Roon Farsi xəlici osmonədə pərə sərnişinon xunış çe bəşəri torixi səyfəonış de beqınoə insonon xuni ləkənin kardeşe ki, ım hiç vaxt pok nibəbe.de ın ruji mınosibəti ımruj çe İron İslom Respublikə təğvimədə Amerkə İnsonə Həxon İfşo kardey ruj nom noey bıə.
