sionist rejimi bə hədəf nırəsə siyosəton
Fakton nışon dodyə ki,İsmoyl Həniyyə terror çe sehyonust rejimi iddio kardə hədəfış real kardeyış zınəni və bərəks ısət bə israyili əmniyyəti vəzyəti qıləy ciddiyə zərbəş daxil kardə və ın rejimış torıxədə nıbə qıləy kritik iyən behroni şərayitədə ğərolış doə.
Çe sehyonust rejimi mediya analitikon iyən reaksiyəon və çın rejimi ıştən əmniyyəti mənbəon de oşkoə formə nışon doydə ki,israyil ısət hovlnok iyən mardəvardə rujon təcrubə kardə holədəy ki,ım boəy de qıləy sanqinə ağıbəti bə ico bıey bəzıne.
Çın stratejikə səhfi nışonəonku qıləyni çe israyili rejimi ləşkəri maksimum dərəcədə hozzıəti vəzyəti bino kardeye ki,həmmə kəsisə ziyodə ım bə işğal bıə əraziyonədə jiyə sakinon dılonədə tars iyən dəhşəti səbəb bıə.
Həyğətədə,Həniyyə terror çe sehyonust rejimi əmniyyəti vəzyətədə qıləy mısbətə əvəzonış icod kardeyış zınəni iyən hətto çın rejimi vəzyətış bəsə navnəsə həni həm yavəş kardə.
Isət çe mığoviməti həmməysə saxt iyən ciddiyə çehrə yəni Yəhya Sinvar ki,çe israyili həbsxononədə 20 sorisə ziyodə həbsış təcrubə kardə iyən çe 7 oktaybr əməliyyoti planış kəşə,çe Həniyyə canişin bıə.
Coqlə muhimmə nuktə ıme ki,çe İron iyən Hizbullahi bə ın terrori bıə cəvobe ki,bə həmmə kəson etırofi əsos,çəvon çəş kardə çiysə vey hevuj iyən mardə vardə formədə bəbe.ın həmlə ki, ehtımolən çand tərəfinə formədə iyən çand cəbhədə əncom bəbe,hukmən xərobətioyonış bəbe.
İordan ru sahili ərazi əmniyyəti səyon bənə Kanada bıə kişfəron tərıfiku silohi sanksiyə və çe İtalyə tərəfiku silohi ixracati oqətey ehtımol və həmçinin israyilku beynəlxalğə dastəkon zəyifəti həm de şiddəti ın rejimış çe təzyiği jiyədə ğərolış doə.
Proqnoz beydə ki,israyili rejim ısət bə qıləy nuyə mardə vardə kritikə devrə varid bıə holədəy ki, hətto çe mığoviməti rəhbəron terror həm bımi mane bıeyış zınəni.
