Nevatim hərbi bazə

Nevatim hərbi bazə

İşğal bıə sərzəminədə Nevatim-Airbas hərbi aviya bazə çe sehyonist rejimi həmməysə həssos iyən dıjdə hərbi mərkəzonku qıləyniye.ın hərbi bazə nəyinki,çe sehyonist rejimi mıosirə F-16 və F-35 hərbi təyyorəon əməliyyoti mərkəze,bəlkəm çe israyili həmməysə muhimmə locestik iyən hərbi ğıvvon istiğrori məkon və oqətə vırə bə hisob omeydə.peykiku kəşə bıə şikil və təsviron nışon doydə ki,çın hərbi bazə anqari kumədə qıləy dıjdə çoləş icod kardə.

Əmmo bə “Nevatim”-i hərbi aviya bazə bıə həmlə fəğət bəçəy torıçə və ya mıosirə təchizoton dəlili xoto nıbe.məlumoton çımiku hikoyət kardedə ki,bə İroni Dəməşğədə bıə konsuləti həmlə zəmonə iştikrok kardə təyyorəon həmonə çın hərbi aviya bazəku rost bıəbin.binobərin ın 

hərbi aviya bazə hədəf ğərol doey,çe ironi tərəfiku bə sehyonist rejimi bıə qıləy mesaj be:bə İroni və ya bəy ayid bıə ğıvvon mevğıyyəton harcurnə hucum,dumo ıştə surətin iyən ğətiyyətinə cəvob bəvarde.

Coqlə hərbi bazə Hatzerim bazəy ki,işğal bıə sərzəmini cənubədəy iyən Bi`r Səri şəhrədə ğərolış qətə.ın hərbi bazə çe sehyonist rejimi aviya ğıvvon mıxtəlifə eskadronon min cumlə çe Eksadron 107 təyyorə,F-16- Eksadron 69 təyyorəon,F-15 və təlimi Eksadron  təyyorəon  və həmçinin çe M-346 Master ıştənəpəron mərkəze.ın hərbi bazə məntəğədə bə mığoviməti məhvəri ğıvvon ələyh çandə qılə əməliyyotonış əncom doəbe və hətto bə İroni mənbəon votey əsos,qıləy terroristə həmlədə iyən şəhidon Seyd Həsən Nəsrullah iyən sərdor Nilfuruşani bə şəhodəti məğami rosney zəmonədə çın hərbi bazə qıləy əsos rolış bıə.

Bın miyono Tel-Nof hərbi bazə israyili hərbi bazə ki,çe sehyonist rejimi həmməysə kanə hərbi bazəy və çın rejimi bo həvo əməliyyoton əncom doeyro əsliyə mərkəzonku bə hisob omeydə,bə İroni rəketi həmləon məruz mande.

Hərbi analitikon jıqo hisob kardedən ki,ın hərbi bazə hədəf ğərol doey,çe İroni bə israyili rejimi rosnə qıləy vey vazeh iyən oşkoə mesaj be:boşmə hiç qıləy məkon və vırə aşiş iyən əmn ni.