Pars Today

Suriyə bohrani barədə 3 tərəfiyə iclos Tehronədə bərpo bıə, ım iclosi oxonə bəyoniyədə bə Suriyə bohrani siyasi cəhətiku həl karde ijən bə çın kişvəri məzlumə millət komək karde təkid bıə.

Bə rəse raporton əsos Tehronədə və bo 2 ruji mıddət çı Suriyə 3 tərəfiyə iclosi koşınasiyə muzakirəon bərpo bıə ijən İron, Rusiyə və Tırkiyə ujnən bə otəş basti komil sorətdə icra karde təkidışon kardə.

Tehroni iclosədə İron, Rusiyə və Tırkiyə heyəton dəvardə təğdim bıə sənəd və loyhəon əcumlə otəş basti proses və qiro ya xot zindon bıə kəson vırə bə vırə karde barədə sohbət və muzakirəşon kardə.

Xəbə omə ki çı i bıə milləton təşkilatiku  həm çandə heyəton bə Tehron omə bən ijən bə ım dıvrə muzakirəon ixtesosi və təxnikiyə koməkonışon kardə.

Tehroni iclos bənə qıləy muğəddəmə iclos bıə ki zəminəon bo Astanə şəhri 4 minə sulh muzakirəon hozzo bıkə.

3 tərəf bə ğərol omən ta co qılə koşınasiyə iclosi həm bərpo bıkən.

İroni xarıci vəzir ım iclosi oxoədə ijən bə Suriyə bohrani həm hərbi və həm de terrorizm mubarizə barədə cəhətiku diğğət karde işorəş kardə və omidvar mande ki siyasi cəhətiku de Suriyə milləti iradəon və qıləy insoniyə prosesədə Astanə şəhrədə bıə dəvardə təvafuğnoməon komil icra bıbun ta de tojə planon vasitə zəminəon bo ım bohrani həl kardero hozzo bıbu.

Zərif tələbış karde ki beynəl xalğiyə kişvəron qırd de trrorizm mubarizə barədəro de yande həmkari bıkən.