Livani Hizbullah səbarzətiyon
Livani Hizbullah səbarzətiyon
Milodi 1982-ə sori sentyabrə manqi 17-ə ruji Livani mərdum çe Beyruti Səbra iyən Şətila orduqoyədə de qıləy dıjd iyən xuninə cinoyəti çe haniku oğo bin.ın dınyodə çe nuyə əsri həmməysə dıjdə ğətlı-amonku qıləyni be və ya hətto kulli torıxədə.Səbra iyən Şətila orduqoyədə sakin bıə livanıj iyən fələstınıjon ğətli-ami çandə ruj dəvomış pəydo karde və 3500 nəfər jen,hırdən iyən piy və cıvon ğətlı-am bin.
Həmonə zəmoniku de tobə ısət Livani ləşkər çe məsihi iyən xristiyanə komandoon nəzorəti jiyədə be. Livanədə bə qıləy zumandə ləşkəri nıbey xoto,ım çe Livani Hizbullah be ki,mıvəffəğ be çın kişfəri işğal bıə əraziyon ozod bıko.milodi 2000-ə sori çe Livani Hizbullah iminə səbarzəti bə əməl ome.Hizbullah ın ğələbə bəştə imonin iyən fədokorə ğıvvon ğarzıxoye.əmmo çın rəşodəti bəpeştə,çəy dəğiğ iyən həkimonə rəhbəron rəhbərəti be ki,çın ğələbə zəminəşon hozzı karde və pesonə səbarzətiyon həm bə əməl omin.çe Hizbullah hejo sıftənə bə formə dəşə zəmonədə Seyd Əbbos Musəvi,Seyd Həsən Nəsrullah,İmad Muğniyə,Seyd Haşim Səfiyuddin iyən Şeyx Nəyim Ğasım çın mısılmonə qrupi təsisəkəyon iyən məsul şəxsonku bin.Seyd Əbbosi şəhodəti bəpeşt de tobə çandə haftə çımi bıənav çın ədolət tələbə qrupi liderəti və rəhbərəti bə Seyd Həsən Nəsrullah ehdə be.Əv,qıləy şucoətin iyən mislış nıbə lider be ki, sıxani həyği mənoədə bo İslomi barzəti,bo mısılmınon izzət iyən bo məzlumon mıdofiyəro ziyodə səyonış karde.çəy bəpeştə Seyd Haşim Səfiyuddin bənə Seyd Həsən Nəsrullah canişini unvoni vıjniyə bıəbe.qıləy səçın bıə şəxs ki,dışmenə sehyoniston çəyku vey tarsışon hestebe və həmonə həddiku ziyodə bıə tars boyis be ta çe Seyd Həsən Nəsrullah şəhodəti fəğət şəş ruji bəpeşt,sehyoniston əy həm bə şəhodəti məğami bırosnon.ımruj həm Şeyx Nəyim Ğasım çe Hizbullah pərçəmış bəştə dast qətə.Əv,həmçinin bənə Hizbullah navnə rəhbəron çe Həzrəti Muhəmmədi(s) vardə əslə İslomi məktəbədə perəsə şəxse.çəy nəzəku çe Vəliyyi Fəğihi ixtiyoron nufuzi deçəy milləti hiç qıləy irtibot və rabitəş ni,çoko ki,mərcəiyyət həm bə qıləy coğrafi marzon məhdud beydəni.Vəliyyi Fəğih çe İslomi pərçəmdore iyən bo İslomiroye, qıləy din ki,bo həmmə aləmon çe rəhməti moyəy,fəoliyyət nışon doydə.həlbəttə,çe ixtiyoron iyən nufuzi həddon iyən mizon və mığdor,çe mısılmınon icobət,ğəbul kardey iyən bəy ləbbeyk voteyku bə şıkrəy.bə həmonə əsos,İroni İslomi İnğılobi bədiqə mərdumi çe İmom Xomeyni(r) rəhbərətişon ğəbul karde və çəy bədiqə həm de İmom Xameneyi beyəti dastışon doe….
