İraği şimolədə bə qıləy qaziyə məydoni hucum bardey

İraği şimolədə bıə qaz məydon ki, de İ bıə Ərəb Əmirəti qıləy şirkəti vositə idorə beydə hədəf ğərorış qəte

ımruj sıb qıləy əmniyətiyə mənbə elonış karde: İraği Kırdıstonədə "Soleymaniyə" ostani "Çəmçal" şəhrədə "Ğader Kərəm" məntəğədə "Kumur" qaziyə məydon hucumi hədəf ğərorış qəte əmmo tobə ısət məlum ni ki, aya ın hucum de Katiyuşa rəketon bepilotə təyyorəon vositə əncom bəy.

In əmniyətiyə mənbə əlovəş karde ki, tobə ısət ın hucumi xoto insoniyə tələfat ğeyd bə ni əmmo nəzədə bıə məydoniku do beşeydə be və nicot iyən imdodiyə qrupon bə ın vırə tərəf hərəkətışon karde.

İraği Kırdıstoni təbiyə mənbəon vəzorətxonə həm qıləy bəyoniyədə elonış karde ki, Kumur məydonədə qazi estehsol kardey ın hucumi təsiri jıyo ğərorış qətə ni və ın stansiya təbiyə surətədə bə ıştə ko dəvom doydə.

Tobə ısət heç qrupi ın hucumi məsoliyətış bə ehdə qətə ni.