Ərəbıston: Fələstini barədə Ərriyadi nəzə əvəz nibəbe
Ərəbıstoni xarici koon vəzorətxonə bə Fələstini mıstəğilə kişvəri təşkil doey vədə ın kişvəri qətə mevğe əvəz nibəbe
Amerkə prezdent "Donald Tramp" zinə bumiyə vaxtdə de seonist rejimi 1minə vəzir "Benyamin Netanyahu" vindemonədə iddioş karde ki, Səudi Ərəbıston Fələstini mıstəğllə kişvəri təşkil bıey tələb kardə ni.
Bə Pars Tudey - raporti əsos de bə İrna xəbəriyə mərkəzi nəğli istınod Ərəbıstoni xarici koon vəzorətxonə ım ruj sıb de qıləy bəyoniyə sadir kardey elonış karde ki, Ərəbıstoni vəliəhd "Muhəmməd Ben Səlman" oşkoə surətədə bə Fələstini mıstəğilə kişvəri təşkil doey vədə bə ıştə istabilə mevğe təkidış karde və ın mevzu heç şərayetədə əvəz nibəbe.
In bəyoniyədə oməy: Ərəbıston de Fələstini milləti çəvon sərzəminiku kuç doey və bə çəvon həxi təcavuz kardeyədə bə ıştə mıxolifəti təkid kardə və Ərəbıstoni qətə mevğe mızokirə kardənin ni və ta Fələstinıjon bə ıştə həxi nırəson bə sulhi dast pəydo kardey imkon nibəbe.
