Dini mərcəiyyəti məğam çəmə sıə xətte

Nəcəfi Elmiyyə Hovzə Tələbəon:Dini mərcəiyyəti məğam çəmə sıə xətte

Nəcəfi Elmiyyə Hovzə Tələbəon həm de qıləy tındə bəyoniyyə sadir kardey,bə amerkə iyən sehyonsit rejimi bə İmom Xameneyi(h) ələyh oxonə təhdidon nisbətədə reaksiyəşon nışon doə və təkidışon kardə ki,bə dini mərcəiyyəti səmt dıroz bıə dast bırniyə bəbe.

Nəcəfi Elmiyyə Hovzə Tələbəon sadir kardə bın tındə bəyoniyyədə elon kardə bıə ki,nəyinki,fəğət çe Nəcəfi Elmiyyə Hovzə Tələbəon,bəlkəm çe Ğomi Elmiyyə Hovzə Tələbəon və İslomi dınyoədə sayir Elmiyyə Hovzə Tələbəon təhdidonışon məhkum kardə və əvış bə Şiyə dınyo ali dini mərcəiyyət və bə elmiyyə hovzəon məğami bıə təəərruz və təcavuz zıneydən.

sehyonsit rejim dəvardə cımə ruji bə İroni hucumış bino karde.bın həmlə zəmonədə çe İroni Silohinə Ğıvvon komandonon,İronıjə alimon iyən beqınoə insononku idastə məxsusən məzlumə hırdənon bə şəhodəti məğami rəsən.çe sehyonsit rejimi çın hucumi bədiqə çandə saatnə şoyvonəti ziyod nıdəkəşe və qırd ım sərxoşəti de İroni bə işğal bıə sərzəminon ğandə iminə rəketon çe miyoniku şe və ım bə sehyonsiton tars iyən vəhşəti səbəb be.