İron işğal bıə Fələstinədə çe seonist rejimi cinoyəton məhkum kardedə

İroni Xarici Koon Vəzirəti sıxanəvot işambə ruji şəvi zəmonədə bə seonist rejimi işğal bıə Fələstinədə kardə cinayəton dəvom kardey işorə kardə holədə votəşe:Ğərbi Sahilədə bə əməl omə çiyon,xususən oxonə dı sorədə de Ğəzzədə çandə da həzo beqınoə insonon şəhodəti icro kardey bıə fələstinıjon mustəmləkəçəti məhfi siyosəti dəvome.

İsmoyl Bəğayi bə medya doə bəyonotədə Ğəzzədə və İordan ru Ğərbi Sahilədə ğətlon və insoni iyən humanitarə huğuğon hoziyə şikilədə darıştey dəvom kardeyku ıştə ikrohə hissış ifodə kardə və çe Ğəzzə muhasirə dəvom kardey,xərobə bıə vıron təmiz kardey navi qətey və bın tanqədə səhiyyə və tibbi şəbəkəon və həyoti əhəmiyyətinə infrastrukturon sənibəton oney vəy qəteyış çe nəzəkuş dəvordınə və bın sard iyən voşə mevsumədə bıə ın humanitarə fəlokətış çe fələstinıjon qenosidi siyosətış hisob kardə və ımış məhkum kardə.

İroni Xarici Koon Vəzirəti sıxanəvot bə Ğərbi Sahilədə seonistə məskunon terrorə hərəkəton və bəçəvon vironəkə hucumon ləpəon hevujəti,Əl-Əğsa məçit və İbreymi ziyorətqo çandə dəfə təhğır kardey,fələstınıjon ıştənbəsə həbs kardey və bə işkəncəon məruz mandey işorə kardə holədə,çe işğalçiyə rejimi cinoyəton navi qəteyro beynəlxalğə iştimoiyyəti huğuği və mənəvi məsuliyyətış bə yod varde və əlovəş kardə:" Ğərbi Sahilədə bə əməl omə çiyon, xususən oxonə dı sorədə de Ğəzzədə çandə da həzo beqınoə insonon şəhodəti icro kardey bıə fələstinıjon mustəmləkəçəti məhfi siyosəti dəvome.