İron məntəğədə bıə sultə nizomi vədə muğavimət kardə yeqanə kişfəre

Ərəbə exspert: İron yeqanə kişfəre ki məntəğədə çı Amerkə iyən sionist rejimi sultətələbə siyosəton vədə muğavimətış kardə.

Rəbi Ğəsən de Əl-Məlumə sayti musahibədə təkidış karde: İron de əktiv reqional roli, hərbi ğudrət iyən ideolojikə vindemoni Asiya Ğərbədə bənə yeqanə kişfər mandəy ki çı Amerkə iyən sionist rejimi sultətələbə siyosəton vədə muğavimətış kardə.

Əv bə məntəğə təhəvolaton işorə kardey votışe: Amerkə tojədən ıştə təhlil-ğərolonış bə sionist rejimi mənafe iyən ideolojikə nəzəon əsosi bənav bardə ki İron dəy ciddi surəti muxalifət kardedə.

Rəbi Ğəsən ijən əlovəş karde: de həminə şəroyeti çı yolə israil iyən Turani iddio bıə rəvoyəton hiç faxt İroni tərəfo ğəbul kardənin ni.