İrağ:İronıjon hiç qıləy hucumi binoəkə nibəbeyn

İraği Xarici Koon Vəziri təkidış kardə ki,İronıjon hiç qıləy hucumi binoəkə nibəbeyn.

Bə Pars Tudey bə doə məlumoti əsos,İraği Xarici Koon Vəzir Fuad Huseyni bəyonış kardə ki,İronıjon hiç qıləy hucumi binoəkə nibəbeyn,lakin bə hucumi məruz mandə holədə bo ıştəni mıdofiyə kardero hozzon və bın mevzuədə qıləy ruşinə mevğeyışon qətə.

İraği Xarici Koon Vəzir bə ın sıvoli cəvobədə ki,aya çəy bə İroni oxonə səfə zəmonədə Tehron bo coqlə canqi hozzı bey mənoədə be-cəvobış doə:Bo ıştəni mudofiyə kardero hozzıye.Fuad Huseyni əlovəş kardə:Bo İronıjon fiki ixtilofon həll kardero diyaloqədə hiç qıləy problemışon ni.

Əy votəşe:İron və AİŞ miyono vositəçi bey vey saxte.Mı bə Tehron şim və çı İroni rəsmiyon fikonım məse və eyni zəmonədə de Amerkə tərəfi həm mızokirəonım barde.Huseyni əlovəş kardə:Holı-hozıədə əsosə problem bəisə unsiyyəti nıbeye.Bo dido dəvordıneyro ğəror bekardey bıbu,İrağ qıləy rol ifo kardey bəzıne.