Seyd Haşim Heydəri cihodi fitvoş doə

İraği Ələhd Hərəkoti sər katib iyən çe Həşduş-Şə`bi sabiğ mıovin de qıləy vidyo fayli intişori,bo de amerkə iyən israyili mıborizə bardero cihodi fətvoş doə.

Seyd Haşim Heydəri:amerkə iyən israyil de ğərbi həmkoəti əyoni surətədə iyən qıləy oşkoə cərəyonədə,çe İslomi aləmi yolə mərcəonku qıləyni iyən çe mısılmınon vəliyyi-əmrış terror kardə.bəpe çın cinoyəti vədə sakit məmandəmon,intiğom sey,intiğom sey bo Xıdo dini xotoye və vey muhim qıləy şəri,dini,əğedəvi,əxloği iyən insoni məsələye. In məsələ vətəni,zıvoni,partiyə,toyfə iyən əşirəti və ya təəssıbi məsələ ni,bəlkəm çe İslomi,dini iyən əğedəvi məsələye.Bın xususədə xəcolət vardedə ki,çe İslomi kişfəron hukuməton çe amerkə iyən sehyonist rejimi bə ironi mərdumi ələyh kardə hucumon vədə betərəf mandən iyən nəzə kardedən,əmmo mığobil tərəf qeşə formədə deiyande həmkoəti kardedən.