Əmə təslim nibəbemon

Şeyx Nəyim Ğasım: əmə Hiçvaxti təslim nibəbemon.

Hizbullah sər katib:Bəpe bo həmmə kəson ruşin bıbu,çanədə ki,işğalqərəti mevcude,Mığovimət iyən çəy siloh bə təmom ğanunon iyən devləti bəyoniyyəon əsos,ğanuni həxe.De dışmeni mıborizə bəpe de qıləy mınosibə şivə bə əməl booy.Mığoviməti mevzu iyən çəy silohi barədə hiçkəs bəhs kardey əzıni.Hizbullah iyən Mığovimət bə israyili-amerkə təcovuzi cəvob bədon ki,qıləy ğanuni həxe.Çəmə varyant ıme ki,deəy mıborizə bıbəmon iyən hiçvaxti təslim nibəbemon.Əmə çe Seyd Həsən Nəsrullah fərzəndonimon iyən bə əmonəti xəyonət kardey əzınimon.Devləti vəzifə ıme ki,çe livani suverenəti iyən çəy mərdumi mıdofiyə bıko və çe təcovuzi navi bıqəto iyən çe şəhrvandon mığobilədə bəştə məsuliyyəti nisbətədə əmin bıbu.çəvon hədəf milləti kuç doey və çe mərdumi de mığoviməti miyono ixtilof icod kardeye.əmmo millət zıneydən ki,ın kuç doey bə təcovuzqərəti xoto bə əməl omə.