İroni xarıci vəziri diplomatik cəhdon
İrağçi de Şri-lanka iyən Hindıstoni xarici koon vəziron telefonə təmosi vositə sıhbətış karde.
İron İslom Respublikə xarici koon vəzir Seyd Əbbos İrağçi co-co telefonə təmosədə Hindıstoni xarici koon vəzir Suber İmanyam Cayşankar iyən Şri-lanka xarici koon vəzir Vicita Herat çe amerkə iyən sehyonist rejimi bə ironi mərdumi ələyh kardə hərbi təcovuzi nəticədə bə əməl omə hodisəon iyən dı tərəfinə mınosibəton barədə diyaloqışon dəvordınə.İroni xarici koon vəzir Seyd Əbbos İrağçi dəvardə rujon dırozi çe amerkə iyən sehyonist rejimi bə İroni mərdumi ələyh kardə hərbi təcovuzi mırtəkib bıə cinoyəton şərh kardə holədə,bə İMT iyən həmmə devləton bo amerkə iyən sehyonist rejimi cinoyətkoronə hərəkəton de ğətiyyəti məhkum kardeyro bıə vəzifəon təkid kardəşe.İron İslom Respublikə xarici koon vəzir amerkə çe İroni Dena esminesi beynəlxalğə ovonədə iyən çe İroni sahiliku 2 həzo mayl bə diyəro hədəf ğərol doey cinoyətış de şiddəti məhkumış kardə və bə çın cinoyəti beynəlxalğə orqanonədə beynəlxalğ iyən huğuği təğibi təkidış kardə.İrağçi həmçinin çe İroni Dena esminesi matroson nicot iyən imdodi əməliyyotədə bə Şri-lanka səyon təşəkkur kardə holədə,bə İroni kəştromey mıhofizə iyən bəçəy heyəti səlomətəti əhəmiyyəti təkid kardəşe.Dıqlə tərəf həmən bə dıqlə kişfəri miyono təmos iyən mızokirəon dəvomi təkid kardəşone.İroni xarici koon vəzir Seyd Əbbos İrağçi de Malaziyə sər vəziri həm telefonə qəpış jeyə.Malaziyə İminə vəzir de İron İslom Respublikə xarici koon vəziri amerkə iyən sehyonist rejimi bə ironi mərdumi ələyh kardə vəhşiyonə təcovuzi nəticədə bə əməl omə hodisəon barədə votemonışon kardə.Malaziyə sər vəziri bın telefonə təmosədə çı amerkə iyən sehyonist rejimi bə ironi ələyh kardə vəhşiyonə təcovuzi nəticədə de İslomi İnğılobi Yolə Rəhbər iyən İroni şəhrvandon şəhodəti mınosibəti bə İroni devlət iyən milləti təsliyyətış votə.Ənvər İberym təmosədə çı amerkə iyən sehyonist rejimi bə İron İslom Respublikə ələyh kardə hərbi təcovuzi məhkum kardə holədə,ın cinoyətış bə beynəlxalğ iyən əxloği usul iyən prinsipon ziddış zınə.
