Misri Ələzhəri beəsosə bəyoniyəku tənğid

Tırkmənsəhro alimon bə Ələzhəri bəyoniyyə cəvob doşone.

Tırkmənsəhro alimon bə Misri Ələzhəri Unversteti bəyoniyyə cəvobədə ki,çe İroni bə məntəğə ərəbə kişfəron ələyh bıə ğanuni iyən məşruyi hucumış ğeyri-ğanuniş zınə iyən çe İroniku tələbış kardə ki,bə ın həmləon dəvom nıdo,qıləy bəyoniyyəşon sadir kardə.Çın bəyoniyyə qıləy baxşədə omə:Sıvolon ki,dılon xun kardedə iyən vijdonon lorzıneydə.əvvəlo:Ələzhəri sədo komco be qıləy zəmon ki,amerkə Ayətullah-Uzmo Seyd Əli Xameneyiş(riz) terror karde?.dıvvom: Ələzhəri sədo komco be qıləy zəmon ki,qıləy ibtidoyi kinə məktəb hədəf ğərol doey be iyən 170 qılə beqınoə hırdə sinnə kinə şoqird bə şəhodəti məğami rəsin?Sevvom:Ələzhəri sədo komco be qıləy zəmon ki,bə jimoni məntəğəon həmlə kardey be iyən çandə sa qılə kə bəçəvon soybon sə viron kardey be?.Çominə qıləyni:Ələzhəri sədo komco be qıləy zəmon ki,Dena təlimiyə esmines hədəf ğərol doey be iyən çandə da qılə dıyo elmon tələbəon kıştə bin?pencom:Ələzhəri sədo komco be qıləy zəmon ki,amerkə çe umməti rəhbəron iyən alimon terror kardedəbe?