Seonist rejimi hərbiyə ğıvvonədə torixdə nıbə kam bıə ğıvvon
Pars Tudey- seonist rejimi medyaon ın rejimədə qıləy struktur iyən nığlə behroni bə furmadəşeku pardəşon peqəte və raportışon do ki, ın rejimi hərbiyə ğıvvon ıştə insoniyə ğıvvə və zumandəti barədə de torixdə nıbə kambıə çion dimbədime.
Bə Pars Tudey raporti əsos bə İrna xəbər mərkəzi nəğli istinod, bə seonist rejimi medya raporton əsos, ın rejimi hərbiyə ğıvvon yolə rəsmi şəxsun və fərmondəon hərbiyə ğıvvonədə bə ğıvvon kam bıe vəzyəti xəbərdorətişon duə və təkidışon kardə ki, hətto məcburi əskərəti xıdmət zəmuni ijən dəvom duey nibəzne ın behroni əvəzi beşo. Hərbi rəsmi şəxsun In oşkoə etıruf, qıləy holədə plan bedə ki, seonist rejimi hərbiyə ğıvvon Ğəzzədə bo dıruz mıddətə canqi xoto iyən Livani cənubədə Huzbullah şiddətinə əməliyoti dəvomədə əcumlə 10 nəfər seonistə hərbiçi zəxmin be və xıdmətiku əskəron vitey iyən ğıvvon şiddətinə surətədə oğandey dimbədim bıə.
