Fransə Hormozi tanqədə harcurnə mıdoxilə rədış karde

Anatoli aqentəti raportış do: Fransə xarıci koon vəzorətxonə sıxanəvot elonış karde ki ım kişvər, Hormozi tanqə təmin kardeyədə harcurnə Nato ehtımoliyə roli rəd kardedə və təkidış karde ki ım koalisiyə məmoriyət bə Miyonə Şərğ ovoştoniyə nibəbe.

Paskal Konfavro ijən votışe: Parisi nəzə vey ruşin iyən bə vəhdəti əsose. Şimoli Atlantiki əhd-peymon bə Şimoli Atlantik ayide və Miyonə Şərğ iyən Hormozi mıvzoon bə Nato dəxlış ni.Im sıxanon 2 ruj çımiku bəpeşt bəyon bıə ki Avropaədə Nato koalisiya həmmə ğıvvon komandir Qeneral Əlksos Qrinkoviç votışe: holıhazırədə ım koalisiya Hormozi tanqədə dıyo əmniyyəti cəhdonədə ehtımoliyə həmkoəti təğib kardey holədəy.