Sepah: deşmon məcbure ki İroni prinsipon ğəbul bıko
De İmom Xomeyni(r)-i rehləti sorəqardış iyən Xordadə manqi 15 minnə ruji ğiyomi əzizqətey mınosibəti, İslomi İnğilobi Sepah Təşkilot qıləy mesaj muntəşirış karde.
İslomi İnğilobi Sepah Təşkilot de İmom Xomeyni(r)-i rehləti sorəqardış iyən Xordadə manqi 15 minnə ruji ğiyomi əzizqətey mınosibəti qıləy mesajədə jığo bəyonış karde: xiyabononədə milləti iştirok, diplomatiya sənqər, canqi meydoni himoyədor və de komilə səbarzəti amil bə hisob omeydə.İronıjon hiç vaxt, deşmoni duəvıjə kəliməon və sıxanon vədə təslim nibəben.Deşmon məcbure ki tojə prinsipi ki İroni millət və çəy silohinə ğıvvon bə meydon varid kardışone ğəbull bıko, xususi Hormozi tanqə huşinə kontrol və idorə kardey.Tosə istikbori xəbisə planon de komil surəti məhv bey, Asiya ğərbiku xarıcion ixroc kardey və de sionist rejimi məhv bey bə ico şərifə Ğudsi ozodi, muğavimət dəvom bəkarde.
