Hizbullah:Səudiyyə Ərəbıston bəpe bə AİŞ və israyili siyosəti tələ nıeqıno

Pars Tudey-Livandə bıə Hizbullah qıləy bəyonotədə çe AİŞ-on bə İraği kardə təcovuzış məhkum kardə və Səudiyyə Ərəbıstoniku bə AİŞ və israyili siyosəti tələ nıeqıney çəş kardeyış bəyon kardə.

Pars Tudey bə IRNA istinodən doə məlumoti əsos,Livani Hizbullah hərəkot çı AİŞ və Səudiyyə Ərəbıstoni bə İraği ərazi kardə oxonə təcovuzi işorə kardə bın bəyonotədə əlovəş kardə:De ərəbə kişfəron iştiroki bə İraği rəsmi onemoni ələyh ın oşko və təhlukəynə təcavuz bo qırd reqiyoniro vey təhlukəynə nəticəon sıftə bəbe və fəğət çe AİŞ iyən seonist rejimi reqiyoni sabitəti darıştey,İslomi umməti miyono təfrığə icod kardey və əy bə ziddiyyət,mıbohisə və mınoğişəon qırdovi daxil kardey planon foydə bədoe. Hizbullah əlovəş kardə:“Çokə hamsuyəti tələbon və İraği de Səudiyyə Ərəbıston və çəvon xalğon miyono bıvəti və torıxi mınosibəton bə nəzə seyə holədə,Səudiyyə Ərəbıstoni bo ın ziddiyyəti və behroni de İraği hukuməti bıə diyaloq və diplomatikə kanalon vositə həll kardey,bə Amerkə-seonistə dışmeni siyosəti tələ nıeqıney və bo reqiyoni sabitəti darıştey və milləton miyono təfrığə icod kardey co qıləy məğsədış nıbə planon batlaği nıeqıney mınosib be.”