Bə inə vətəni oqardemon
"Yedioth Ahronoth" qəzet se sornə canqi bədiqə əks və dayimiyə seonistə mıhocirəti tendensiyaədə norohətçəti icod kardə ziyodətiku xəbəş doə.
Fəğət 2025-ə sori 90 həosə ziyodə seonist işğal bıə Fələstıni əraziyon idəfənin tərkışon kardə və çəvon veyni bo ısətnə vətəndoəti əvəz kardero səy kardedən.
Bə analitikon fiki əsos,dəvom kardə canq,vey bıə jimoni xarcon və hərbi əməliyyotonku tars,çın kutləvi mıhocirəti əsosə amilonin.
Demoqrafik eksperton jıqo hisob kardedən ki,ın tendensiya nəyinki dəvom bəkarde,həmən omə soronədə qıləy tındə surət pəydo bəkarde. Bəziyon ın fenomeni de israyili demoqrafikə tərkibi əloğədor zıneydən və ğeyd kardedən ki,immiqranton veyni-və ya çəvon valideynon-sıftədə çe co kişfəron vətəndoon bıən.
Çandə qılə analitikon həmçinin hisob kardedən ki,bo"səçın bıə milləti" oneyro istifodə kardə bıə dini şuoron hiç qıləyni həyğiyə əsosış ni, Və bıçimi xoto həm bə mənşə kişfəron oqardey həni bo ziyodə şəxsonro bə qıləy məntıği vıjıni təbdil bıə.
