UNICEF: israyil bə fələstınıjə hırdənon təhsil sey mane beydə

Pars Tudey-İbıə Milləton Təşkiloti Hırdənon Fondi(UNICEF) icroəkə direktori mıovin çe seonist rejimi bo İordan ru ğərbi sahilonədə bıə sakinon icod kardə çətinə şərayiti tənğıd kardə holədə votəşe:israyil Ğərbi Sahilonədə bə 800.000 fələstınıjə hırdənon təhsil sey mane beydə.

Pars Tudey bə İroni Tele-Rədyo Şirkəti istinodən doə məlumoti əsos,UNICEF icroəkə direktori mıovin Hənnan Suleymon çe Əmniyyət Şura İordan ru ğərbi sahilonədə de hoziyəti ziyodəti anqıl iclosədə çe İMT Ğərbi Sahilonədə bə hırdənon ələyh israyili hoziyə ğanun darıştey bə ğeyd sey dəvom doeyış bəyon kardə.Əv,nezə təhlukə nıbə holədə hırdənon de qullə jey və çı sionist məskun bıə kəson de je-kuye, de çəxo jey,de filfili spereye fələstınıjon kıştey,bəçəvon kəon və jimoni vositəon kardə hucumon və bənə Fələstıni ərazyonədə ovə infrastrukturon xərob kardey bıə hoziyətiyon çın ğanun dasrıştəyon miyono ğeydış kardə. UNICEF-i rəsmi əlovəş kardə:“In hoziyətiyon təsir bə təhsili həm şomil bıə,çunki bə UNICEF-i Təhsil Qrupi hisoboti əsos,İordan ru ğərbi sahilonədə və işğal bıə Ğudsədə 800 həzosə vey hırdənon məktəbon bastey,əmniyyət,hərəkəti məhdudiyyəton vəbə infrastrukturi qıniyə ziyoni səbəbiku bə əmniyyət və dəvominə təhsili dast rəsədə de maneyəon dimbədime.