Bərğ eçınon fiasko be bəznen
Вoku bə Avropa enerji resurson eksporti ziyod karde eçınış qətə.
Çəvon ğərəz nat və ğazi, bın resurson restə bərğ ziyod karde fikədə be barədə prezident Əliyevi bəyonış kardə.Əmmo çın eçıni vey qılı zeyfə virə hıstışe ki, əvən qorcestoni enerji sisteme. De Qorcestoni nat və ğaz tranziti işqilonış kame, əmmo qorcestonədə oxonə fəxton de bərği anqıl işqilon vey sualon bə miyon vardən. Qorcestonədə bə blekauton çe azərboyconi və qorcestoni enerjisistemon miyono pesiyə bin, qorceston bə izolyasiya rejim ovaşte və sistem dırıs həmuş be.Qorcestoni şəbəkə ğoğo bə holədə qılı xəttədə bə ğəzo iqlə dılə təchizoti ne, həmən de Siyo dıyo kabelon vositə tranzit stabiləti yolə suoli jiy oğətedə.Çın səbəiku azərboycon bərği eksport de qorcestoni enerji sistemi moderni anqıle və bə avropa vıjor beşe vocib şərtonədə qılıye. Əsos məsələ bəvədey ki, ın modern bə çıki hisob dəvonə bəbe?
