Yəmənədə canqi nəticəku bə 3 milyon nəfər nızi avarə bıən.

Yəməni avarəon idarə sədr elanış kardə: Yəmənədə canqi bino beyku detos bə ısət 2 milyono 800 həzo nəfər Yəmənıj avarə bıən.

Bə Yəməni Səba aqentiyəti raporti əsos Yəmənədə avarəon idorə icraiyə hissə rəis Nəcib Əlsədi votışe: 2015 minə sori Martə manqiku detos bə ısət 2 milyono 500 nəfər Yəmənıj kişvəri daxilədə ijən 500 həzo nəfərədə co kişvəronədə bənə çı Yəməni avarəon çəvon nom ğeyd bıə.

Nəcib Əlsədi əlovəş kardə: xaricədə bıə avarəon veyni Misr, Tırkiyə, Malaziya, sudan, Somali və Yardaniyadə sakin bıən.

Əlsədi ijən votışe: avarə bıə kəsonku 22 faiz mırdon, 23 faiz jenon ijən 55 faiz hırdənonin.

İ bıə milləton təşkilat həm zinə elanış kardə: Yəmənədə Vəba noxşətiku mardə bıə kəson miğdor bə 1000 nəfər rəsə.

Yəmənədə bıə i bıə miləton təşkilati HUmanitarə şobə həmohənq əkə tojədən elanış kardə: faxt bo vəşiyanə cəmoəti coni nicot doero təmom bey holədəy ijən Vəba Yəmənədə vəziyəti vey mırəkkəbış kardə.

Bə oxonə raporti əsos Yəmənədə 130 həzo nəfər nızi cəmoət Vəbaşon qətə ijən bə 1000 nəfər nızi Yəmənıj ım noxşətiku mardən.