İrağədə Daeşi kamilən məğlub bey xəbəon elan karde faxt rəsə.

İraği Federal polis ğıvvon fərmondə təkidış kardə: İrağədə oxonə səbarzəti iyən Daeşi kamilən məğlub karde xəbəon elan karde barədə hiç şək şobhə ni.

Bə Koveyti aqentiyəti raporti əsos qeneral Raed Codət qıləy bəyoniyədə elanış karde İraği ğıvvon Mosuli ğədimiyə baxşon 3 hissəku 2 baxşi kamilən ozod kardışone ijən Daeşi kamilən İrağiku məhv karde xəbəon elan bey faxt rəsedə.

Raed Codət təsdiğış kardə ki həmmə meydononədə canq bə İraği ğıvvon mənafe və xeyr dəvomış heste ijən hərbion bə Daeş terroristiyə qrupi oxonə bazaon rəsəşon.

İraği mıştərəkə əməliyaton fərmondəhi təbliğiyə mərkəz həm tojədən elanış kardə: Əltənk məntəğədə Daeş terroristiyə qrupi befoydə nıfuz məğlub be ijən çandə terroriston ım məntəğədə daveon nəticəku həlok bıən.

Mosuli ozod karde əməliyat dəvardə sori Oktiyaberi 17ku bino bıə ijən şərğiyə hissəon ozod karde bəpeştə ısət Mosuli ğərb məntəğə ozod karde əməliyaton həm ıştə oxonə mərhələdə dəvomış heste.