Ərəbiston çı Həcci maliyoti ziyod karde fikədəy.

Ərəbistoni Həcc vəzarətxanə ıştə tojə ğərolədə Həcc və Umrə sahədə ko əkə mıəssisəonış məcbor kardə bo Həcci dəvoniyəro 30 faiz bankiyə vəsiğə və etebaron ziyod bıkən.

Im ğərol qıləy vəziyətədə elan bıdə ki çımiku bənav bo ımsornə sori Həcci dəvoniyəro maliyoti ziyod nıkarde barədə Ərəbistoni rəsmion sıxan votışon bən.

Im ğərol Avqostə manqiku bino və icra bəbe.

Isət və qıləy şərayetədə ki Rəməzanə manqi bənav Həcc sahədə ko əkə şirkəton cəmaəti nomi ğeyd kardə və əvoni bə Həcc vığande ruj zəminəon mıhəyya kardə bıə bən ısət jıqo bə nəzər omedə ki vey problemon icod bıbu.

Həmonə zəmoniku ki nati ğeymət erjon bıə, Ali-Səud rejim ıştə dıvlətiyə budcə təmin karde xoto de problemon dim bə dim bıə.

Isət həm xəbə omə ki Ərəbistoni dıvlət ıştə xərcon məxssusən Yəmənədə canqi puli təmin karde xoto, pidəşe həcci zaironku ıştə budcə nırəse cubran bıkə.

Ərəbistonədə çandə fəhləon həm beko bıən iyən iğtisodi cəhətiku saxtəti dəvomış heste.